مرة واحد دخل على مراته البيت لقى معاها راجل.. قالها : و الله عال..النهاردة راجل...بكرة سجاير !!!
اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع
رئيس عربى فى مرض الموت قاله السكرتير الشعب جاى يودعك يا ريس قال الرئيس ليه هو الشعب مسافر ولا إيه
احد محشش راح يخطب واحده .. ابوها قاله:" انا عليا الشقة.." رد عليه وقاله :" وانا عليا البنات والبيره !"
مسطول راح المحكمة القاضى بيسأله انت متجوز مين؟ قاله:متجوز واحدة ست القاضى قاله انت هتهرج؟ أمال فى حد بيتجوز راجل؟ قاله:اه اختى
واحد باشا جار عليه الزمن وافتقر حب يشتغل إشتغل بياع فجل وجرجير طول النهار واقف فى السوق ولابس طربوش وبينادي:فجل يا حوش .. جرجير يا كلاب
مرة فار سكران على الاخر شافة قط جعان قعد يجرى وراة فعدت عربية بسرعة فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
واحد سباك نفسه اتسدت غرقت الشقة
مرة واحد بلديتنا خرج من محطة مصر لقا بتاع الانابيب بيخبط
قلوة افتحلى وحدة بس تكون ساقعة
واحد هو وابنة مش عارفين ايه هو الاسانسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزرار وطلعت بعد شوية نزل الاسانسير واتفتح خرجت منة شابة جميلة .. فقال لابنه :روح هات امك هنا
أيام الرسائل عن طريق الحمام الزاجل: واحد بعت طير لصديق له ولما وصل الطير بص الصديق على رجل الطير ما لقاش ورقة او رسالة فلما شاف صديقه اللي بعت له الطير من غير رسالة سالوا ايه قصة الطير اللي مافيش فى رجله رسالة بعتوا ليه ؟ قام قال له اصلي بعتلك مسد كول
مرة واحد بلدياتنا عرف ان الجلد موضة مشى عريان
مرة دكتور بيطرى بيقول لمراته حبيبتى انا بهيم فى حبك قالتله وانا مرفسلكش طلب ابدا
ثلاثة مساطيل قاعدين في سهرة الأول : أنا عندي فلوس أشتري فيها أمريكا الشمالية ، ثاني : وأنا عندي فلوس أشتري فيها أمريكا الشمالية و الجنوبية ،
الثالث : و مين قالكم إني هابيع
مره في أمريكي و فرنسي و صيني حبو يجربوا صدى أصواتهم عند شلالات نياجرا........ الأمريكي قال: هلوووووو ,الصدى قال: هلوووووووو
الفرنسي قال :بونجووووور ,الصدى قال: بونجوور ووو ووور..
الصيني قال شنج لونج هنج.. الصدى قال: هـــــــــــــــاه بتقول اِيه؟
طلب مدرس من تلميذ غني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء
سأل أستاذ تلميذه: ما اسم الحيوان الذي يصحييك بصوته كل صباح؟
أجاب: بابا
غبي ودنه محروقة قالولوا : ليه ودنك محروقة؟؟ قال: كنت باكوي قميصي ورن التليفون ورديت بالمكوى! قالوا : والثانية ليه محروقة؟؟ قال :الحمار أتصل مره ثانية
كلب شوارع مر من جنب قسم شرطة شاف كلب بوليسي قال آخ لو كملت تعليمي
مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش ها تحلم بيهم تاني خالص... قاله خليها بكرة يا دكتور علشان النهاردة ماتش النهائي
الأحد أغسطس 19, 2007 10:26 pm
ورحمه الله وبركاته
