انهارده بحتفل باول عيد جواز ليه
زى انهارده كنت عروسه بالفستان الابيض والطرحه والبوكيه الاحمر
زى انهارده كنت ملكه متوجه على عرش افتتاح مملكتى الصغيره
زى انهارده كانت اجمل واهم ليله فعمرى كله
يمكن لتانى مرة مقدرش اعبر عن مشاعرى من شدة الفرح
مكنتش متخيله ان احساسي بعيد جوازى هيكون حلو كده
ذكريات من اجمل الذكريات بتمر قدام عينى
نفسي اعيشها من تانى
فعلا دى احلى لحظات العمر
لحظه بيتمناها كل انسان فالدنيا
من 365 يوم كنت عروسه لسه مدخلتش بيتى
انهارده انا فمملكتى الصغيره وعايشه اجمل لحظات عمرى وانا مستنيه الامير الصغير
يمكن مكنتش ناويه اعمل الموضوع ده
بس معرفش ليه حبيت تشاركونى يوم جميل بيمر عليه من زمان محستش بالجمال ده