abdulah_algamdi
جينزو#7
عدد الرسائل : 35
تاريخ التسجيل : 15/10/2007
 | موضوع: /// يابنـــــــــــــــت/// حصرياً على شبوه نت لعيونكم كلكم  الإثنين أكتوبر 15, 2007 2:48 pm | |
| بسم الله الرحمن الرحيم
هذه القصيده تجسدت من موقف تجسد بالذاكره لفتاه تغازل شايب
((((( يــــــــابنــــــــــــــــــــــت )))))
يابنت انا قلبي من الحب قد تاب = باب المحبه داخل القلب مردود
لاتتعبين ارموش عينش ولهداب = وتضيعين الوقت والعمر محدود
غضي النظر يابنت ماعاد له باب = ردي سهامش داخل اعيونش السود
القلب توه من جروح الهوا طاب = ونا طويت الحبل لي كان ممدود
العام لول كنت قانص وضراب = ارمي الهدف يابنت ويطيح مقفود
اعشق فجوج البر واحب لشعاب = واشرب كرع من عد ماهوب مارود
ابدي بدربيلي على كل مرقاب = روس الذواري العاليه وابدي احيود
اقطع على شانه صحاري وهظاب = نشوت شبابي تعطي الجسم مجهود
كنت اعشق المقناص واختار لسلاب = وصيد من بين الضبا كل مفرود
واليوم شوفي عارض الوجه قد شاب = ومادام فاقد كيف يعطيش مفقود
يابنت روحي دوري لش عن احباب = روحي بدرب مودي الدرب مسدود
ودعتش الله ما بقت عندي اسباب = العذر ياسيد الغنادير ماجود
ياشيب عين اللي يشوفش ولا ذاب = عينش تخلي شامخ الحيد مرمود
فيش المحاسن والحلا يلفت اعجاب = سبحان من صورك يا كامل العود
دعجاء العيون ورمشها حيل جذاب = والخشم كنه حد بتار مجرود
صف البرد من دونهن جمر لهاب = وخلافهن شمع العسل سدر مشهود
مطلع جبينه منه البدر ما غاب = والخد كنه نور براق مرعود
ابو جديل اسود كما الليل ينساب = غطى المتون وفوق لوراك معقود
والعنق كنه عنق تلعات لرقاب = ريم الفلا اللي شربهاء صافي النود
والصدر ميدان الاصيلات لعراب = ميدان فارس يعربي منبع الجود
وباقي الوصوف اللي مغطاه بثياب = ما اقدر على فتح المشفر بلا كود
عزي لمن قلبه من اعيانها اصتاب = عز الله انه يورد الحوض مقيود
مسكين بين اهله وربعه ولصحاب = يمسي يهل الدمع والعالم ارقود
حد منهم لامه وحد قال كذاب = والبعض لا ناشد ولا منه منشود
ون طاح حضش في رذيلين لنساب = يا ويل قلبش من لظاء كير موقود
والختم صلوا عدما المزن سكاب = على شفيع الناس في يوم موعود
وســــــــــــــــــــــــلا متــــــــــــــــــــــــــــــــــــــــــــــــ ـــــــــــــــكم
| |
|
